ನಾನೆಂಬ ಅಂಚೆ ಹುಡುಗ ,
ಹೊತ್ತೊಯ್ಯುವನು ನೂರಾರು ಲಕೋಟೆಗಳ !
ಇವನೋ ಬಿಡುವಿಲ್ಲದ ಕೆಲಸದಾಳು .
ತೊಡುವನು ಬಣ್ಣ ಬಣ್ಣದ ಬಟ್ಟೆಗಳನ್ನು,
ಸಮವಸ್ತ್ರ ಇವನಿಗೆ ಬೇಕಿಲ್ಲ !

ಯಾರಿಗೆ ಯಾವ ಪತ್ರ ರವಾನಿಸಬೇಕೋ..?
ಅದು ಇವನಿಗೇ ತಿಳಿದಿಲ್ಲವಲ್ಲ !
ಆದರೂ ,ರವಾನಿಸುವ ನಿರ್ದಿಷ್ಟ ವ್ಯಕ್ತಿಗೆ !
ಯಾರಿಂದ ಬಂದ ಪತ್ರವೆಂದೇ ತಿಳಿದಿಲ್ಲ .
ಎಲ್ಲರೂ ತಿಳಿಯುವರು `ಅವನೇ ಬರೆದ ಪತ್ರವಿದು!’ 

ವಿಷಯ ತಿಳಿದಾವರಿಗೋ ಏನಾದರೊಂದಾಗುವುದು !
ಕೆಲವರಿಗೆ ಕೋಪ, ಕೆಲವರಿಗೆ ತಾಪ ,
ಮತ್ತೆ ಕೆಲವರಿಗೆ ದುಃಖ,ಸಂತೋಷ…
ಕೆಲವರಿಗಾದರೆ ಮೈಮನ ರೋಮಾ0ಚನ ! 
ಮತ್ಯಾರಿಗೋ `ಶುರೂ ಪ್ರೇಮ ಲೋಕ !’

ಈ ಪತ್ರಗಳೆಲ್ಲಾ ಇವನೇ ರವಾನಿಸಬೇಕು .
ತೋರಿಸದೇ ಇವನೇ ಓದಬೇಕು , ಕರ್ತವ್ಯ !?
ಆದರೂ, ಪತ್ರ ಬರೆದವ ಇವನೆಂದೇ ತಿಳಿಯುವರು!
ಅದನ್ನೇ ನಂಬುವರು ಎಷ್ಟೋ ಮುಗ್ದರು .
ನಾನೆಂಬ ಅಂಚೆ ಹುಡುಗರು..ಅಂಚೆ ಹುಡುಗರು..!