ನಾನೆಂಬ ಅಡುಗೆ ಭಟ್ಟ …

 

ನಾನೆಂಬ ಅಡುಗೆ ಭಟ್ಟ …
ತಯಾರಿಸುವ ಬಗೆಬಗೆ ಭಕ್ಷ್ಯಗಳ …
ಮಾಡುವ ವಿಧಾನ ಆದರೂ ನಿಧಾನ, ಬಲು ರುಚಿಕರ!
ತೋಚಿದಾಗ ಮಾತ್ರ ಅಡುಗೆ ಮಾಡುವ ಹುಚ್ಚು ಭಟ್ಟ.

ಉಕ್ಕುವ ಹಾಲ್ಭಾವನೆಗಳಿಂದ ಖ್ಹೋವಾ ತಯಾರಿಸುವ
ಹಾ…! ನಿಜ ಇವನೊಬ್ಬ ಕವಿ ..!
ಕವಿಯಾದರೇನೂ, ಇವ ನಳ ಮಹಾರಾಜ ..
ಎಂದೂ ಕೆಡದ ಹಾಗೆ ಬೇಯಿಸುವ ಪಾಕ ಪ್ರವೀಣ!

ಭಾವನೆಗಳು ಯಾವಾಗ ಉಕ್ಕುವುದೋ ತಿಳಿದಿಲ್ಲ
ಉಕ್ಕಿದಾಗ ಬೇಕು ಲೇಖನಿ, ಹಾಳೆ ..
ಕಡಿಮೆಯಾಗುವುದು ಬೇಡ ಶಾಖ,
ಉಕ್ಕುವ ಭಾವನೆ, ಸ್ವಲ್ಪ ಸೀದ ಕನಸುಗಳ ಅಡುಗೆ!

ರುಚಿಯೋ ಆಹಾ ವೈವಿಧ್ಯಮಯ!
ಕೆಲವು ಸಿಹಿ, ಕೆಲವು ಖಾರ
ಕೆಲವು ಉಪ್ಪು, ಹುಳಿ … ಅಥವಾ ಎಲ್ಲಾದರ ಮಿಶ್ರಣ!!
ಯಾವುದೋ ಒಂದೊಂದು ಮಾತ್ರ ಒಗರು ..!